ଯଦି ନବୀନ ପଟ୍ଟନାୟକଙ୍କ ମୁଖ୍ୟମନ୍ତ୍ରୀତ୍ୱ ସମୟରେ ଭରତପୁର ଘଟଣା ହୋଇଥାନ୍ତା…ତେବେ ଏମାନେ କ’ଣ କହିଥାନ୍ତେ..

ଭୁବନେଶ୍ୱର :  ଓଡ଼ିଶାର ରାଜଧାନୀ ଭରତପୁର ଥାନାରେ ଘଟିଥିବା ଜାତୀୟ ଗଣମାଧ୍ୟମରେ ଚର୍ଚ୍ଚାର କାରଣ ହୋଇଛି। କାରଣ ଏହି ମାମଲାରେ ଓଡ଼ିଶା ପୋଲିସ୍ , ଭାରତୀୟ ସେନା ସହ ଥିବା ଜଣେ ବ୍ୟକ୍ତି  ଓ ତାଙ୍କ ବାନ୍ଧବୀ ସଂପୃକ୍ତ। ଏହି ମାମଲା ଆଉ ଏକ ଦିଗ ହେଉଛି- ଭଣଜା କୁଆଡେ ଗଲା। ସେ ଭଣଜା କିଏ। କାହା ଭଣଜା। କୁଆଡେ ଗଲା। ଏନେଇ ମଧ୍ୟ କିଛି ସ୍ପଷ୍ଟତା ମିଳୁନାହିଁ। ତେବେ ଏ ସବୁ କଥା ଛାଡନ୍ତୁ। ଏହି ଘଟଣାକୁ ନେଇ ସାମାଜିକ ଗଣମାଧ୍ୟମରେ ଏକ ଲେଖା ଭାଇରାଲ ହେବାରେ ଲାଗିଛି।  ଏହି ଲେଖାରେ  ଯଦି ଭରତପୁର କାଣ୍ଡ ନବୀନ ସରକାରରେ ହୋଇଥାନ୍ତା, ତେବେ ବିଜେପି ନେତାମାନଙ୍କ ବିବୃତ୍ତି କେମିତି ହୋଇଥାନ୍ତା। ତାହା ଉଲ୍ଲେଖ କରାଯାଇଛି। ଆସନ୍ତୁ , ତାହା ଉପରେ ନଜର ପକାଇବା…

ଗୋଲକ ମହାପାତ୍ର:

ଏ ସରକାର ଶେଷରେ ଭାରତ ମାତାଙ୍କୁ ବି ଛାଡ଼ିଲାନି। ଆଜି ଭାରତମାତା କଇଁ କଇଁ ହୋଇ କାନ୍ଦୁଥିବ କାରଣ ତାର ସୁପୁତ୍ର ମେଜରଙ୍କୁ ଏମାନେ ହାଜତରେ ପୁରାଇ ଦେଲେ। ଗୃହମନ୍ତ୍ରୀ ହେଉଛନ୍ତି ମୁଖ୍ୟମନ୍ତ୍ରୀ। ସେ ଉତ୍ତର ଦିଅନ୍ତୁ।

ବୈଜୟନ୍ତ ପଣ୍ଡା(ଟୁଇଟରେ): Never ever in the history of mankind, this kind of barbarism flashed!!! Utter shame.  Heads down as an Odia.

ଅପରାଜିତା ଷଡ଼ଙ୍ଗୀ: ସମ୍ବିଧାନର ଧାରା 19(D) ତେହେତ ମୁକ୍ତ ଭାବେ movement କରିବାର ଅଧିକାର କ୍ଷୁର୍ଣ୍ଣ ହୋଇଛି।

ଜଣେ ମହିଳାକୁ ଯେପରି ଭାବେ ବ୍ୟବହାର ପ୍ରଦର୍ଶିତ କରାଯାଇଛି, ତାର ଜବାବ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଦେବାକୁ ପଡିବ। ଓଡ଼ିଶାର ମାଆ ଭଉଣୀଙ୍କ ଇଜ୍ଜତ ସହ BJD ସରକାର ଯୋଉ ଖେଳିଛି, ତାର ଉତ୍ତର ଆଗାମୀ ନିର୍ବାଚନରେ ମାଆ ମାନେ ଦେବେ। ଉନେଇଶୋ ତେହତର ସାଲ ଜାନୁଆରି ଅଠରାରେ ତାମିଲନାଡୁ ରେ ଏ ଭଲି କାଣ୍ଡ ହୋଇଥିଲା। ଆଜି ଓଡ଼ିଶାରେ ହେଇଛି।

ସୁରଜ ସୂର୍ଯ୍ୟବଂଶୀ: ଉଠ କଙ୍କାଳ, ଜାଗ ଦୁର୍ବଳ। ଜାଗ ଦୁର୍ବଳ ଆଜି, ଉଠୁ ମୃତ ଗୌରବ, ହୃତ ଗୌରବ ରାଜି….ଉଠ କଙ୍କାଳ….

ଧର୍ମେନ୍ଦ୍ର ପ୍ରଧାନ: ପ୍ରଜାତନ୍ତ୍ରରେ ଏଭଳି ଜଘନ୍ୟ କାଣ୍ଡ ଆଦୌ ଗ୍ରହଣୀୟ ନୁହେଁ। ଗାନ୍ଧୀ କଣ କହିଥିଲେ??? ଯୋଉଦିନ ଝିଅଟିଏ ରାତିରେ ସ୍ୱାଧୀନରେ ବୁଲି ପାରିବ, ସେ ଦିନ ଆମେ ସ୍ୱାଧୀନ ହେଲୁ। କୋଉମାନେ ରାସ୍ତାରେ ଅଟକେଇଥିଲେ, ସେ ତଦନ୍ତ ହେଲାଣି କି??? ସେ ଅର୍ବାଚିନ ମାନେ କିଏ???

ମାନ୍ୟବର ମୁଖ୍ୟମନ୍ତ୍ରୀ କାହିଁକି ଡରୁଛନ୍ତି, ଏମାନଙ୍କ ପରିଚୟ କହିବାକୁ???  ରାଜ୍ୟ ସରକାର ଏ ତଦନ୍ତ କରି ପାରିବେ ନାହିଁ କାରଣ ପୋଲିସ ସମ୍ପୃକ୍ତ ଅଛି। ନିଜ ଆଡୁ CBI କୁ ଦେଇ ଦିଅନ୍ତୁ ନବୀନ ବାବୁ। ନହେଲେ ଆମେ ରାସ୍ତାକୁ ଓହ୍ଲାଇବୁ।

ସମୀର ମହାନ୍ତି;

କଥା ସେଇଠି ନାହିଁ। ପୂଜା କରିବା ଆଳରେ  ଗୋଟେ କ୍ରାଇମ ସିନ କୁ ପୋଲିସ ଧୋଇ ଦେବ କିପରି???

ନବୀନ ବାବୁଙ୍କ ହାତରେ ଆଉ ପୋଲିସ ଅଛି ତ???

ପୋଲିସ ଏବେ ସରକାରୀ ଗୁଣ୍ଡା ପାଲଟି ଯାଇଛି।

ଏ ଗୁଣ୍ଡା ରାଜର ଅନ୍ତ ଲୋକ କରିବେ।

ମାଆମାନେ ପଣ କଲେଣି।

 ଜୟନାରାୟଣ ମିଶ୍ର:

ଏବେ ଆପନ ବୋଲୁନ, ମୁଁ ପୋଲିସକୁ ଥାପ୍ପଡ ମାରି ଠିକ କରିଥିଲି ନା ନାଇଁ???

ପୃଥ୍ୱୀରାଜ ହରିଚନ୍ଦନ: ସେନା ଯୋଗୁଁ ଆମେ ଶାନ୍ତିରେ ଶୋଇ ପାରୁଛୁ। ସେନା ଆମର ଗର୍ବ। ସେନାକୁ ନେଇ ଏ ଅପାରଗ ସରକାର ହାଜତରେ ପୁରେଇ ଦେଲେ। ଆକି ଦେଶରେ ଲଜ୍ଜା ସୃଷ୍ଟି ହୋଇଛି ଓଡିଶା ଯୋଗୁଁ।

(ବାଇଟ ଟା ନେଉଛ, ଟିକେ ବଜେଇବ। )

ରାଜନାଥ ସିଂହ(ରକ୍ଷା ମନ୍ତ୍ରୀ):

ପୁରେ ପ୍ରକରନ କା ହମ କଡ଼ି ନିନ୍ଦା କରତେ ହୈ।

(ଏହି ଲେଖାଟି ସତ୍ୟଜିତ ମିଶ୍ରଙ୍କ ଫେସବୁକ୍ ପୋଷ୍ଟରୁ ସଂଗ୍ରହ କରାଯାଇଛି। ତାଙ୍କର ରାଜନୈତିକ ସାମ୍ବଦିକତାରେ ଦୀର୍ଘ ଅଭିଜ୍ଞତା ରହିଛି)