ପ୍ରାର୍ଥୀ ଘୋଷଣାରେ କିଏ ରହିଛି ସବୁଠୁ ଆଗରେ ଜାଣନ୍ତୁ…
କିଛି ଦିନ ପୂର୍ବେ ପ୍ରାର୍ଥୀ ଘୋଷଣାରେ ପଛରେ ପଡିଥିବା କଂଗ୍ରେସ ଏବେ ରହିଛି ସବୁଠୁ ଆଗରେ । ଏହା ମଧ୍ୟରେ ବିଧାସଭାର ୧୪୭ ଟି ଆସନରୁ ଏପର୍ଯ୍ୟନ୍ତ ୧୧୯ ପ୍ରାର୍ଥୀ ଘୋଶଣା କରିସାରିଛି କଂଗ୍ରେସ । ଗତକାଲି ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି ହାତ ଦଳ । ଦ୍ୱିତୀୟ ପର୍ଯ୍ୟାୟରେ ୭୫ ଆସନ ପାଇଁ ପ୍ରାର୍ଥୀ ଘୋଷଣା କରିଛି କଂଗ୍ରେସ । ତେବେ ଏହି ଲିଷ୍ଟରେ ବହୁ ହେଭିୱେଟ୍ଙ୍କ ନାଁ ମଧ୍ୟ ରହିଛି । ଆନନ୍ଦପୁର ଆସନରୁ ଜୟଦେବ ଜେନାଙ୍କୁ କଂଗ୍ରେସ ଟିକେଟ୍ ଦେଇଥିବାବେଳେ ଭଣ୍ଡାରୀପୋଖରୀ ଆସନରୁ ନିରଞ୍ଜନ ପଟ୍ଟନାୟକ, ଭଦ୍ରକ ଆସନରୁ ଅସିତ୍ ପଟ୍ଟନାୟକ,ବାଙ୍କୀରୁ ଦେବାଶିଷ ପଟ୍ଟନାୟକଙ୍କୁ ଟିକେଟ୍ ଦେଇଛି କଂଗ୍ରେସ । ସେହିପରି ଚର୍ଚ୍ଚାରେ ରହିଥିବା ଜଟଣୀ ବିଧାନସଭା ପାଇଁ ସନ୍ତୋଷ ଜେନାଙ୍କ ଉପରେ ଭରାଷା ଦେଖାଇଛି କଂଗ୍ରେସ । ସେହିପରି ଭାରତୀୟ ଜନତା ପାର୍ଟି ଏପର୍ଯ୍ୟନ୍ତ ୧୧୨ ଟି ଆସନର ପ୍ରାର୍ଥୀ ଘୋଷଣା କରିଥିବା ବେଳେ ଆଉ ୩୫ ଆସନରେ ପ୍ରାର୍ଥୀ ଦେଇନାହିଁ । ଅନ୍ୟପକ୍ଷରେ ଶାସକ ବିଜେଡ଼ି ମୋଟ ୧୧୭ ଆସନ ପାଇଁ ପ୍ରାର୍ଥୀ ଘୋଷଣା କରିଛି । ଆଉ ୩୦ ଆସନ ପାଇଁ ଏପର୍ଯ୍ୟନ୍ତ ଛିଣ୍ଡିନି ଭାଗ । ସେହିପରି ଯଦି ଲୋକସଭା ଆସନ କଥା ଚିନ୍ତା କରାଯାଏ ତେବେ ବିଜେପି – ବିଜେଡ଼ି ତାଙ୍କର ସମସ୍ତ ଆସନ ପାଇଁ ପ୍ରାର୍ଥୀ ଘୋଷଣା କରିଥିବା ବେଳେ । ୧୭ ଟି ଆସନ ପାଇଁ ନାମ ଦେଇଛି କଂଗ୍ରସ ।
