ଜଟଣୀ ନିର୍ବାଚନମଣ୍ଡଳୀରେ କାହାକୁ ମିଳିବ..ବିଜେଡି ଟିକେଟ୍….ନନା ଓ ସୁରଙ୍କ ପୁଅ ମଧ୍ୟରେ ଛକାଛକି..

ଜଟଣୀ : ୨୦୦୭ ପଞ୍ଚାୟତ ନିର୍ବାଚନରେ ଜିଲ୍ଲା ପରିଷଦରେ ବିଜୟୀ ହୋଇ ଖୋର୍ଦ୍ଧା ଜିଲ୍ଲା ରାଜନୀତିରେ ନିଜ ଅଲଗା ଉପସ୍ଥିତି ଜାହିର କରିଥିଲେ ବିଭୂତି ବଳବନ୍ତରାୟ। ନିଜ ଦଳ କଂଗ୍ରେସ ଛାଡି ସେ ବିଜେଡିରେ ସାମିଲ ହୋଇଥିଲା। ଏହା ପରେ ପ୍ୟାରୀ ମୋହନ ମହାପାତ୍ରଙ୍କ ଗୋଷ୍ଠୀର ସେ ଜଣେ ସକ୍ରିୟ ସଦସ୍ୟ ଭାବେ କାର୍ଯ୍ୟରତ ଥିଲେ। 2009ରେ ଜଟଣୀରୁ ବିଧାନସଭା ଟିକେଟ୍ ପାଇବା ସହ ବିପୁଳ ବ୍ୟବଧାନରେ ଭେଟେରାନ୍ ସୁରେଶ ରାଉତରାୟ ଏବଂ ଶରତ ପାଇକରାୟଙ୍କୁ ପରାସ୍ତ କରିଥିଲେ। ୨୦୧୪ରେ ମିଡ୍ ନାଇଟ୍ ଅପରେସନ୍ କାରଣରୁ ତାଙ୍କୁ ଟିକେଟ୍ ଉପରେ କଳା ବାଦଲ ଲାଗିଥିଲା।           ମାତ୍ର ୨୦୧୯ରେ ଟିକେଟ୍ ପାଇଥିଲେ ବି ବିଭୂତି ହାରିଯାଇଥିଲା। ଏହା ପରେ ଖୋର୍ଦ୍ଧା ଜିଲ୍ଲା ବିଜେଡ଼ି ସଭାପତି ଭାବେ ସେ ଦାୟିତ୍ୱ ତୁଲାଇ ଆସୁଛନ୍ତି। ବିଜେଡିର ବର୍ତ୍ତମାନ ପରିସ୍ଥିତିରେ ତାଙ୍କ ଟିକେଟ୍ କଟିବା ନାହିଁ ବୋଲି ମନେ ହେଉଛି। ମାତ୍ର ରାଜନୀତିରେ ସବୁ ସମ୍ଭବ। ତାଙ୍କ ଟିକେଟରେ ସୁର ରାଉତରାୟଙ୍କ ପୁଅ ମନ୍ମଥ ରାଉତରାୟ ଭାଗ ବସାଇଛନ୍ତି। ସେ ବି ବିଜେଡିରୁ ପ୍ରାର୍ଥୀ ହେବାକୁ ଆଶାୟୀ। ସେଥିପାଇଁ କଂଗ୍ରେସରୁ ଇସ୍ତଫା ଦେବା ସହ ବିଜେପିରେ ସାମିଲ ହୋଇନାହାନ୍ତି। କିଛିଦିନ ତଳେ ତାଙ୍କ ସମର୍ଥକମାନେ ଜଟଣୀରେ ବାଣ ଫୁଟାଇଦେଲେ। ଏମିତି କି ମାର୍ଚ୍ଚ ମାସ ତିନି ତାରିଖରେ କୁଆଡେ ମନ୍ମଥ ବିଜେଡିରେ ସାମିଲ ହେବେ ବୋଲି ଚର୍ଚ୍ଚା ହେଲା। ଏହି ପରିସ୍ଥିତିରେ ବିଭୂତି ଏବଂ ମନ୍ମଥଙ୍କ କ୍ୟାମ୍ପରେ ଏକ ଛାୟା ଯୁଦ୍ଧ ପରିସ୍ଥିତି ରହିଛି। ତେଣୁ ବିଜେଡିର ସବୁଠୁ ପ୍ରଭାବଶାଳୀ ନେତା ଭି କାର୍ତ୍ତିକେୟନ ପାଣ୍ଡିଆନ୍ ଦୀର୍ଘଦିନ ଧରି କାର୍ଯ୍ୟରତ ବିଭୂତି ନା ଜଟଣୀ ରାଜନୀତିର ପ୍ରଭାବଶାଳୀ ପରିବାରର ଦାୟଦ କାହାକୁ ଟିକେଟ୍ ଦେଉଛନ୍ତି, ତାହା ଉପରେ ସମସ୍ତଙ୍କ ନଜର ରହିବ।