ଧର୍ମେନ୍ଦ୍ରଙ୍କ ପରେ ବିଜେଡି ନେତା ଭି.କେ ପାଣ୍ଡିଆନଙ୍କ ସାକ୍ଷାତକାର ପ୍ରସାରଣ କରିବ ANI …ଓଡ଼ିଶାର କ୍ଷମତା ରାଜନୀତିକୁ ‘ଗାଜର’ ବଗିଚା କାହିଁକି କୁହାଯାଉଛି…ପଢନ୍ତୁ
ଭୁବନେଶ୍ୱର : ବହୁଳ ପ୍ରଚାରିତ ଖବର ସରବରାହ ସଂସ୍ଥା ANIରେ 5-ଟି ଅଧ୍ୟକ୍ଷ ତଥା ବିଜେଡିର ଦ୍ୱିତୀୟ ପ୍ରଭାବଶାଳୀ ନେତା ଭି. କାର୍ତ୍ତିକେୟନ ପାଣ୍ଡିଆନଙ୍କ ଏକ ସାକ୍ଷାତକାର ଆସିବାକୁ ଯାଉଛି। ଏହାର ଏକ କ୍ଷୁଦ୍ର ଅଂଶ ଆଜି ଏଏନଆଇ ଦ୍ୱାରା ଟୁଇଟରରେ ଅପଲୋଡ୍ କରାଯାଇଛି। ଉପସ୍ଥାପିକା ସ୍ମିତା ଏହି କାର୍ଯ୍ୟକ୍ରମରେ ଶାସକ ଦଲ ବିଜେପି ଏବଂ ଏହାର ସହଯୋଗୀ ନେତାମାନଙ୍କ ନିୟମିତ ସାକ୍ଷାତକାର କରି ଆସୁଛନ୍ତି। ବିଜେପି, ଏନଡିଏ ଏବଂ ଆରଏସଏସ୍ ସମର୍ଥକମାନଙ୍କ ସାକ୍ଷାତକାର ମଧ୍ୟ କରାଯାଉଛି। କାଁ ଭାଁ ବିରୋଧି କିମ୍ବା ସ୍ୱାଧିନ ମତ ରଖୁଥିବା ବ୍ୟକ୍ତିଙ୍କ ସାକ୍ଷାତକାର ଦେଖିବାକୁ ମିଳୁଛି। ତେଣୁ ଏହି ଫୋରମରେ ଭିକେପିଙ୍କ ସାକ୍ଷାତକାର ବିଜେଡିର ରାଷ୍ଟ୍ରୀୟ ରାଜନୀତି ଦିଗକୁ ପ୍ରଦର୍ଶିତ କରିଛି। ପ୍ରଥମ ଭିଡିଓରେ ସଂଘୀୟ ଗଣତନ୍ତ୍ର ବିଷୟରେ କୁହାଯାଇଛି। ତେଣୁ ଆଗାମୀ ଦିନରେ ବିଜେଡି ଓ ବିଜେପି ଆନୁଷ୍ଠାନିକ ଭାବେ ଏକାଠି ହେବାର ସମ୍ଭାବନାକୁ ରାଜନୈତିକ ସମୀକ୍ଷକମାନେ ଏଡାଇ ଦେଇନାହାନ୍ତି।
ଏହି ଖବରଟି କ୍ଲିକ୍ କରିବା ପୂର୍ବରୁ ଏକ ଫଟୋ ଚିତ୍ର ଆପଣଙ୍କ ଆଖି ଆଗରେ ପଡିଥିବ। ଏଥିରେ ଗାଜର ସହ କିଛି ଛୋଟ ପିଲାଙ୍କ ଫଟୋ ରହିଛି। ପ୍ରତୀକାତ୍ମକ ଭାବରେ ଗାଜର ଉପର ସବୁଜ ପତ୍ର, ନାଡ ଅଥବା ଶାଖା ରହିଛି। ଏହାର ଠିକ୍ ତଳେ ନାରଙ୍ଗୀ ରଙ୍ଗର ଗାଜର ଫଳ ଫଳିଛି। ସବୁଜକୁ ବିଜେଡି ଏବଂ ନାରଙ୍ଗୀକୁ ବିଜେପି ଭାବେ ଚିତ୍ରଣ କରି ଏହାକୁ ଦର୍ଶାଯାଇଛି। ରାଜ୍ୟ ରାଜନୀତି ପରିସଂଖ୍ୟନ ଦୃଷ୍ଟିରୁ ବିଜେଡିମୟ ଲାଗୁ ଥିଲେ ବି ଧୀରେ ଧୀରେ ବିଜେପି ମୁହାଁ ହେବାର ସଙ୍କେତ ଦିଶୁଥିବା ସମୀକ୍ଷକମାନେ ମତ ରଖିଛନ୍ତି। ଟିଏମସିରୁ ଶୁଭେନ୍ଦୁ ଅଧିକାରୀ, ଜେଡିୟୁରୁ ଆରସିପି ସିଂ, କଂଗ୍ରେସରୁ ଯୁବ ଚେହେରା(ସିନ୍ଧିଆ,ଆରସିପି,ମିଲନଦେଓରା, ଜିତିନପ୍ରସାଦ)ଙ୍କୁ ଆଣି ସାରିଥିବା ବିଜେପି, ବିଜେଡିର କାର୍ପଟଦାରଙ୍କୁ ଆଣିବେ ନାହିଁ ବୋଲି ଏକ ପ୍ରଶ୍ନବାଚୀ ସୃଷ୍ଟି ହୋଇଛି। ବିଜେଡିର କୌଣସି ନେତାଙ୍କ ବିରୋଧରେ ଇଡି,ସିବିଆଇ ଏବଂ ଆୟକର ବିଭାଗ ଚଢଉ କରୁନାହିଁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଣ ବିଜେପି-ଅଣ କଂଗ୍ରେସ ନେତାଙ୍କ ଉପରେ ବର୍ଷୁଥିବା ବେଳେ ନବୀନ ପଟ୍ଟନାୟକଙ୍କୁ ବନ୍ଧୁ ବୋଲି ସମ୍ବୋଧନ କରିଛନ୍ତି। ବିଜେଡିର ଯୁବ, ଛାତ୍ର ବର୍ଗ ମଧ୍ୟ କେନ୍ଦ୍ରରେ ନରେନ୍ଦ୍ର ଓଡ଼ିଶାରେ ନବୀନ ମାନସିକତା ଚାଲୁଛନ୍ତି। ତେଣୁ ବିଜେଡିକୁ ଧିରେ ଧିରେ ଦୁର୍ବଳ କରି ବିଜେପି ଏହାକୁ ଅକ୍ତିଆର କରିବାକୁ ଚାହୁଁଥିବା ବରିଷ୍ଠ ସାମ୍ବାଦିକ ମୁକେଶ କୁମାର କହିଛନ୍ତି। ପୂର୍ବର ଆଠୋଟି ଲୋକସଭା ସଭା ବିଜେପି ନବରଙ୍ଗପୁର,ଭଦ୍ରକ, ଢେଙ୍କାନାଳ, କେନ୍ଦୁଝର ଏବଂ ବ୍ରହ୍ମପୁର ବିଜୟ ଲକ୍ଷ୍ୟରେ ରହିଛି। 50ଟି ସ୍ଥାନରେ ବିଜେଡ଼ି ବିଦ୍ରୋହୀଙ୍କୁ ପ୍ରାର୍ଥୀ କରିବା ସହ କେତେକ ବିଦ୍ରୋହୀଙ୍କୁ ସ୍ୱାଧିନ ଭାବେ ଲଢିବାକୁ ଆର୍ଥିକ ସହାୟତା ଦେବା ପାଇଁ ବିଜେପି ରଣନୀତି ପ୍ରସ୍ତୁତ କରିସାରିଛି। କୋଇଲା ଦୁର୍ନୀତି ସମ୍ପର୍କିତ ଦସ୍ତଖତ, ଚିଟଫଣ୍ଡ ଦୁର୍ନୀତିରେ ଦିବଂଗତ ନେତା ପ୍ୟାରୀମୋହନ ମହାପାତ୍ରଙ୍କ ଏକ ବୟାନ, ଗତ ସାଧାରଣ ନିର୍ବାଚନ ପୂର୍ବରୁ ଦଳର ତିନି ପ୍ରମୁଖ ନେତାଙ୍କୁ କେନ୍ଦ୍ରୀୟ ଯାଞ୍ଚ ଏଜେନ୍ସିର ଚିଠି ବିଜେଡ଼ିକୁ ବ୍ୟାକଫୁଟ୍ ରେ ରଖିବ। ବିଜେଡି ସଂଖ୍ୟାଗରିଷ୍ଠ ଲାଭ କଲେ ବି ନିର୍ବାଚନୀ ପରବର୍ତ୍ତୀ ଅମିତ ଶାହଙ୍କ ଅପରେସନ୍ ଲୋଟସକୁ ମୁକାବିଲା କରିବାର ସାମର୍ଥ୍ୟ ବିଜେଡି ରଖୁ ନ ଥିବା ସମୀକ୍ଷକମାନେ କହିଛନ୍ତି। ତେଣୁ ଫଳନ୍ତି ଗାଜର ପରି ଓଡ଼ିଶା ରାଜନୀତି କ୍ଷମତା ଗଳି ଗହଳ ଚହଳ ଲାଗି ରହିଛି।
