ବିଜେପି ବିଧାୟକ ସୁକାନ୍ତ ନାୟକଙ୍କୁ ନେବ ବିଜେଡି, ବବି କଲେ ଫାଇନାଲ

ଭୁବନେଶ୍ୱର : ବର୍ତ୍ତମାନର ବିଜେପି ବିଧାୟକ ତଥା ନୀଳଗିରି ପ୍ରତିନିଧି ସୁକାନ୍ତ ନାୟକ ଖୁବଶୀଘ୍ର ବିଜେଡିରେ ଯୋଗ ଦେବାକୁ ଯାଉଛନ୍ତି। ଗତଥର ଶେଷ ମୂହୁର୍ତ୍ତରେ ଶ୍ରୀ ନାୟକ ବିଜେପି ଯାଇ ପଦ୍ମ ଚିହ୍ନରେ ଲଢି ବିଜୟ ହୋଇଥିଲେ। ବର୍ତ୍ତମାନ ବାଲେଶ୍ୱର ସାଂସଦ ପ୍ରତାପ ଷଡଙ୍ଗୀ ବିଧାନସଭା ଲଢିବାକୁ ଚାହୁଁଛନ୍ତି। ସେ ନୀଳଗିରିକୁ ଫେରି ପାରନ୍ତି। ତେଣୁ ସୁକାନ୍ତ ତାଙ୍କ ଟିକେଟ୍ ନେଇ ଏତେଟା ସୁଦୃଢ ନୁହଁନ୍ତି। ସେହିପରି ପୂର୍ବରୁ ବିଜେଡିରେ ରହିଥିବାରୁ ଘରବାହୁଡ଼ା ଏତେଟା ଅସୁବିଧା ହେବ ନାହିଁ। ବିଜେଡି ମଧ୍ୟ ତାଙ୍କୁ ପ୍ରାର୍ଥୀ କରିବାକୁ ଆଗ୍ରହୀ। ଗତ ଥର ରବୀନ୍ଦ୍ର ଜେନାଙ୍କୁ ବିରୋଧ କରି ସୁକାନ୍ତ ନାୟକ ଦଳ ଛାଡିଥିଲେ। ବର୍ତ୍ତମାନ ରବୀନ୍ଦ୍ର ଜେନା ବାଲେଶ୍ୱରର ବସ୍ତାରେ ସକ୍ରିୟ ରହିଛନ୍ତି। ପର୍ଯ୍ୟବେକ୍ଷକ ଭାବେ ଭୁବନେଶ୍ୱର ଓ ଖୋର୍ଦ୍ଧାରେ କାର୍ଯ୍ୟ କରୁଛନ୍ତି। ପୂର୍ବ ଭଳି ସେ ସୁକାନ୍ତ ନାୟକଙ୍କୁ ପୂର୍ବଭଳି ବିରୋଧ କରିପାରିବା ସମ୍ଭାବନା ନାହିଁ। ବିଜେଡିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଦିନକ ପୂର୍ବରୁ ସୁକାନ୍ତ ସହ ଆଲୋଚନା କରିସାରିଛନ୍ତି। ଭୁବନେଶ୍ୱର ସ୍ଥିତି ସର୍କିଟ ହାଉସରେ ଗତ ସୋମବାର ରାତିରେ ଉଭୟଙ୍କ ମଧ୍ୟରେ ଆଲୋଚନା ହୋଇଥିବା ଜଣାପଡିଛି। ବିଜେଡିର କିଛି ବିଧାୟକଙ୍କୁ ବିଜେପି ନେବା ପାଇଁ ରଣନୀତି ପ୍ରସ୍ତୁତ କରିସାରିଛି। ତେଣୁ ସୁକାନ୍ତଙ୍କ ଜରିଆରେ ବିଜେଡି ନିଜର ଅପରେସନ୍ ଲୋଟସ୍ ଆରମ୍ଭ କରିବାକୁ ଯାଉଛି।

Leave a Reply

Your email address will not be published. Required fields are marked *