କୁଆଡେ ଗଲେ ବିଜେଡିର ଚିଲିକା ବିଧାୟକ ପ୍ରାର୍ଥୀ……

ପୁରୀ : ପୁରୀ ଜିଲ୍ଲାର ଚାରୋଟି, ଖୋରଧା ଜିଲ୍ଲାର ଗୋଟିଏ ଏବଂ ନୟାଗଡ଼ ଜିଲ୍ଲାର ଦୁଇଟି ଆସନକୁ ନେଇ ପୁରୀ ଲୋକସଭା ନିର୍ବାଚନମଣ୍ଡଳୀ ଗଠିତ। ବିଜେଡି ତାହାର ପ୍ରଥମ ନିର୍ବାଚନୀ ସମୀକ୍ଷାରେ ଆଶାୟୀ ପ୍ରାର୍ଥୀମାନଙ୍କୁ କାମ କରିବା ପାଇଁ ନିର୍ଦ୍ଦେଶ ଦେଇଥିଲା। ଏହି ଆଶାୟୀମାନେ ହେଉଛନ୍ତି-ପୁରୀ ସଦର-ସୁନୀଲ ମହାନ୍ତି, ସତ୍ୟବାଦୀରୁ ସଞ୍ଜୟ କୁମାର ଦାସବର୍ମା, ବ୍ରହ୍ମଗିରୀରୁ ଉମାକାନ୍ତ ସାମନ୍ତରାୟ, ପିପିଲିରୁ ରୁଦ୍ର ମହାରଥି, ଚିଲିକାରୁ ପ୍ରସନ୍ନ ପାଟ୍ଟଶାଣୀ, ନୟାଗଡ଼ରୁ ଅରୁଣ ସାହୁ ଏବଂ ରଣପୁରରୁ ସତ୍ୟନାରାୟଣ ପ୍ରଧାନ। ସେହିପରି ପୁରୀ ଲୋକସଭା ପାଇଁ ଅରୂପ ପଟ୍ଟନାୟକଙ୍କୁ ପ୍ରାର୍ଥୀ କରାଯିବ ବୋଲି କୁହାଯାଇଛି। କେବଳ ପ୍ରସନ୍ନ ପାଟ୍ଟଶାଣୀକୁ ଛାଡିଦେଲେ ଉପରୋକ୍ତ ସମସ୍ତ ବ୍ୟକ୍ତିତ୍ୱ ଶ୍ରୀମନ୍ଦିର ଦର୍ଶନ କରିଥିବାର ଫଟୋ ଆସିଥିଲା। ତେଣୁ ଚିଲିକା ଆସନ ନେଇ ଏକ ସନ୍ଦେହ ସୃଷ୍ଟି ହୋଇଛି। ମେଣ୍ଟ ହେଲେ ଏହି ଆସନ ବିଜେପି ଭାଗରେ ପଡିବା ନିଶ୍ଚିତ ବୋଲି ରାଜନୈତିକ ସମୀକ୍ଷକମାନେ ମତ ରଖିଛନ୍ତି। ତେଣୁ ରାଜ୍ୟସଭା ଲଲିପପ୍ ପରି ଶ୍ରୀ ପାଟ୍ଟଶାଣୀଙ୍କୁ ବ୍ୟବହାର କରାଯାଉଥିବା କୁହାଯାଉଛି।