ଭୁବନେଶ୍ୱର ବିଜେପିକୁ ଝଟକା ଦେବ ବିଜେଡି, ଜଗନ୍ନାଥ ହେବେ ସାମିଲ

ଭୁବନେଶ୍ୱର : ଆଜି ଖୋର୍ଦ୍ଧା ଜିଲ୍ଲା ବିଜେଡିକୁ ଏକ ବଡ଼ ଧକ୍କା ଲାଗିଛି। ବିଜେଡିର ଟାଣୁଆ ବିଧାୟକ ତଥା ନିଲମ୍ବିତ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ ବିଜେପିରେ ସାମିଲ ହୋଇଛନ୍ତି। ତାଙ୍କର  ବିଜେପିରେ ଯୋଗଦାନ ଖୋର୍ଦ୍ଧା-ବେଗୁନିଆ-ଚିଲିକାରେ ପ୍ରଭାବ ପକାଇବ। ତେଣୁ ବିଜେପିର ଏହି ମିଶ୍ରଣ ପର୍ବକୁ ମୁକାବିଲା କରିବା ପାଇଁ ବିଜେଡି ନୂଆ ରଣନୀତି କରିବାକୁ ଯାଉଛି। ରାଜଧାନୀ ଭୁବନେଶ୍ୱର ଏବଂ ଖୋର୍ଦ୍ଧା ସାଙ୍ଗଠନିକ ଜିଲ୍ଲାର କିଛି ଟାଣୁଆ ବିଜେପି ନେତାଙ୍କୁ ଦଳରେ ମିଶାଇବାକୁ ଚାହୁଁଛି। ଏଥିପାଇଁ ଖୁବଶୀଘ୍ର କସରତ ଆରମ୍ଭ ହେବ। ଭୁବନେଶ୍ୱର ମଧ୍ୟମ ନିର୍ବାଚନ ମଣ୍ଡଳୀରେ ବିଜେଡିର ସ୍ଥିତି ଚିନ୍ତାଜନକ ରହିଛି। ତେଣୁ ଗତ ତିନୋଟି ନିର୍ବାଚନରେ ବିଜେପି ପ୍ରାର୍ଥୀ ହୋଇଥିବା ଜଗନ୍ନାଥ ପ୍ରଧାନଙ୍କୁ ବିଜେଡ଼ି ଆଣିବାକୁ ଯୋଜନା କରିଛି। ପୂର୍ବରୁ ଏହି ଯୋଜନା କାର୍ଯ୍ୟକାରୀ କରାଯିବା ନେଇ ବ୍ଲୁ ପ୍ରିଣ୍ଟ ପ୍ରସ୍ତୁତ ହୋଇଥିଲା। ମାତ୍ର ତାହା ସଫଳ ହୋଇ ନ ଥିଲା। ବର୍ତ୍ତମାନ ଜଗନ୍ନାଥ ପ୍ରଧାନଙ୍କୁ ନେବା ପାଇଁ ସବୁ କୌଶଳ ପ୍ରୟୋଗ କରାଯାଉଥିବା ଜଣାପଡିଛି।