କେଉଁ ନିଷ୍ପତ୍ତି ନେବାକୁ ଯାଉଛନ୍ତି ଏହି ତିନି ବରିଷ୍ଠ ଆଇପିଏସ୍ ଅଧିକାରୀ…….ଇଏ ରହିବେ ହେଲେ…ସେମାନେ ପଳେଇବେ… ହେଲେ କୁଆଡେ

ଭୁବନେଶ୍ୱର:  ଓଡ଼ିଶାରେ ବିଜେପି ସରକାର କରିବା ପରେ ଏକାଧିକ ପ୍ରଶାସନିକ ନିଷ୍ପତ୍ତି ନେଇଛି। ହେଲେ ଅଧିକାରୀ ସ୍ତରରେ ମଧ୍ୟ ଏକାଧିକ ନିଷ୍ପତ୍ତି ଗ୍ରହଣ କରିଛି। ମୁଖ୍ୟ ଶାସନ ସଚିବ ଭାବେ ମନୋଜ ଆହୁଜା ଏବଂ ପୁଲିସ୍ ମହାନିର୍ଦ୍ଦେଶକ ଭାବେ ଓ୍ୱାଇ.ବି ଖୁରାନିଆଙ୍କୁ ଦାୟିତ୍ୱ ଦେଇଛି। ଆଡଭୋକେଟ ଜେନେରାଲ ଭାବେ ବିଜେପି ନେତା ପୀତାମ୍ବର ଆଚାର୍ଯ୍ୟଙ୍କୁ ନିଯୁକ୍ତି କରାଯାଇଛି। ଆଇଏଏସ୍ ସ୍ତରରେ ଅଦଳବଦଳ ମଧ୍ୟ ହୋଇଛି। ହେଲେ ହେମନ୍ତ ଶର୍ମା ପୂର୍ବଭଳି ଅଛନ୍ତି। ଏକଦା ବିଜେପି ଶ୍ରୀ ଶର୍ମାଙ୍କ ବିରୋଧରେ ମାମଲା ରୁଜୁ କରିବାକୁ ଯାଇଥିଲା। ମାତ୍ର କିଛିଦିନ ତଳେ ଆଇପିଏସ୍ ଅଦଳବଦଳ ହୋଇଛି। ଏହି ଅଦଳବଦଳକୁ ବିଜେପି ଏବଂ ଆରଏସଏସ୍ ମଧ୍ୟରେ ପରିପକ୍ୱ ଏବଂ ମାଷ୍ଟ୍ରରଷ୍ଟ୍ରୋକ୍ ବୋଲି କୁହାଯାଇଛି। ଏହି ଅଦଳବଦଳ ନାଗପୁରୀମାର୍କା ଦିଲ୍ଲୀ ଅନୁମୋଦିତ ବିଜ୍ଞପ୍ତି। ତେଣୁ ଏହାକୁ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଆତ୍ମବିଶ୍ୱାସ ବୃଦ୍ଧି ଓ ବହୁଳ ଭାବେ ପ୍ରସାରିତ ପାଣ୍ଡିଆନ୍ ସିଣ୍ଡ୍ରୋମ୍ ପତନର ଆରମ୍ଭ ବୋଲି କୁହାଯାଉଛି। ହେଲେ ଏହି ଆଇପିଏସ୍ ଅଦଳବଦଳ ପରେ ତିନି ବରିଷ୍ଠ ଅଧିକାରୀ କିଛି ପଦକ୍ଷେପ ନେବେ ବୋଲି ଆଲୋଚନା ହେଉଛି।ଏହି କ୍ରମରେ ପୂର୍ବତନ ଭାରାପ୍ରାପ୍ତ ପୁଲିସ୍ ନିର୍ଦ୍ଦେଶକ ତଥା ବର୍ତ୍ତମାନର ଓପିଏସସି ଅଧ୍ୟକ୍ଷ ଅରୁଣ ଷଡଙ୍ଗୀ ରହିଛନ୍ତି। ବର୍ତ୍ତମାନର ପୁଲିସ୍ ନିର୍ଦ୍ଦେଶକ ତାଙ୍କ ଠାରୁ କନିଷ୍ଠ। ତେଣୁ ସେ ଆଇପିଏସ୍ ପଦରୁ  ଅବ୍ୟାହତି ନେବାକୁ ଇଚ୍ଛା ପ୍ରକାଶ କରିପାରନ୍ତି। ଏହା ପରେ ସାଧାରଣ ଭାବେ ଓପିଏସସି ଅଧ୍ୟକ୍ଷ ଭାବେ ଦାୟିତ୍ୱ ଅତିବାହିତ କରିପାରନ୍ତି। ଦ୍ୱିତୀୟରେ ପୁଲିସ୍ କମିଶନର ଥିବା ସଞ୍ଜୀବ ପଣ୍ଡା ଏବଂ ପ୍ରଶାସନିକ ମୁଖ୍ୟାଳୟ(ଗୃହ ବିଭାଗ)ରେ ଦୀର୍ଘଦିନ ଧରି କାର୍ଯ୍ୟ କରୁଥିବା ସନ୍ତୋଷ ବାର୍ଲା କେନ୍ଦ୍ରୀୟ ଡେପୁଟେସନରେ ଯାଇପାରନ୍ତି। ଏହା କେତେଦୂର ସତ ପ୍ରମାଣିତ ହେଉଛି, ତାହା ଆଗାମୀ ଦିନରେ ଜଣାପଡିବ।