ସୁଟିଂ ବିଶ୍ବକପ(ଆଇଏସଏସଏଫ୍)ରେ ଭରତୀୟ ଯୋଡିଙ୍କୁ ସ୍ବର୍ଣ୍ଣ
ବକୁ: ଭାରତୀୟ ଯୋଡ଼ି ଦିବ୍ୟା ସୁବାରାଜୁ ଥାଡ଼ିଗୋଲ ଓ ସରବଜୋତ ସିଂହ ଆଜରବୈଜାନର ବକୁରେ ଚାଲିଥିବା ଆଇଏସ୍ଏସ୍ଏଫ୍ ସୁଟିଂ ବିଶ୍ବକପ୍ରେ ଭାରତ ପାଇଁ ଆଣିଛନ୍ତି ପ୍ରଥମ ସ୍ବର୍ଣ୍ଣ ପଦକ । ୧୦ ମିଟର ଏୟାର ପିସ୍ତଲ ମିଶ୍ରିତ ଟିମ୍ ଇଭେଣ୍ଟ୍ ଫାଇନାଲ୍ରେ ଏହି ଭାରତୀୟ ଯୋଡ଼ି ସର୍ବିଆର ଜୋରାନା ଅରୁନୋଭିକ ଓ ଡାମିର ମିକେକଙ୍କୁ ହରାଇ ଏହି ପଦକ ହାତେଉଛନ୍ତି । ଦିବ୍ୟା ଓ ସରବଜୋତ ୫୫ ଦଳୀୟ ଯୋଗ୍ୟତା ରାଉଣ୍ଡରେ ୫୮୧ ପଏଣ୍ଟ ସହ ପଦକ ଦୌଡ଼ରେ ସାମିଲ ହୋଇଥିଲେ। ସ୍ବର୍ଣ୍ଣ ମୁକାବିଲାରେ ଏହି ଯୋଡ଼ି କଡ଼ା ସଂଘର୍ଷ କରି ୧୬-୧୪ରେ ସର୍ବିଆ ଯୋଡ଼ିଙ୍କୁ ମାତ୍ ଦେଇଥିଲେ । ତୁର୍କିର ଇସ୍ମାଇଲ କେଲେସ ଓ ସିମାଲ ୟିଲମାଜ କାଂସ୍ୟ ଜିତିଥିଲେ। ଏହି ପ୍ରତିଯୋଗିତାରେ ଭାରତ ୧ ସ୍ବର୍ଣ୍ଣ ଓ ୧ କାଂସ୍ୟ ସହ ମୋଟ ୨ ପଦକ ପାଇ ଦ୍ବିତୀୟରେ ରହିଥିଲା ବେଳେ ଚୀନ୍ ୧ ସ୍ବର୍ଣ୍ଣ ଓ ୧ ରୌପ୍ୟ ସହ ଶୀର୍ଷରେ ରହିଛି।
