୨୦୨୫ ସୁଦ୍ଧା ସବୁ ଗାଁକୁ ସଂଯୋଗ ହେବ ବିଦ୍ୟୁତ ; କେ.ଭି ସିଂଦେଓ

ଭୁବନେଶ୍ଵର; ବିଧାନସଭା ବଜେଟ ଅଧିବେଶନ ଶେଷ ପର୍ଯ୍ୟାୟରେ ପହଂଚିଛି। ଗୃହ କାର୍ଯ୍ୟ ସୁରୁଖୁରୁରେ ଆରମ୍ଭ ହୋଇଥିବାବେଳେ ବିଭିନ୍ନ ବିଭାଗର ପ୍ରଶ୍ନକାଳ ଆରମ୍ଭ ହୋଇଛି। ବିଧାୟକ ମାନଙ୍କ ପ୍ରଶ୍ନର ଉତ୍ତର ରଖୁଛନ୍ତି ମନ୍ତ୍ରୀ। ବିଭିନ୍ନ ଗ୍ରାମରେ ବିଜୁଳି ବ୍ୟବସ୍ଥାକୁ ନେଇ ଗୃହରେ ପ୍ରଶ୍ନ ସୃଷ୍ଟି ହୋଇଥିବାବେଳେ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ ଏହାର ଉତ୍ତର ରଖିଛନ୍ତି।

ସେ କହିଛନ୍ତି, ମାର୍ଚ୍ଚ ୨୦୨୫ ସୁଦ୍ଧା ସବୁ ରାଜସ୍ବ ଗାଁକୁ ବିଦ୍ୟୁତ ସଂଯୋଗ ଦିଆଯିବ। ବିଧାୟକ ବଦ୍ରି ପାତ୍ରଙ୍କ ପ୍ରଶ୍ନରେ ଉପମୁଖ୍ୟମନ୍ତ୍ରୀ କେଭି ସିଂଦେଓଙ୍କ ଉତ୍ତର ରଖିବା ସହ ଓଲଟା ପ୍ରଶ୍ନ କରି କହିଛନ୍ତି, ୨୪ ବର୍ଷ ଆପଣଙ୍କ ସରକାର ଥିଲା, କାହିଁକି ବସୁନଥିଲା ଆପଣ କହିପାରିବେ। ଆମେ ୩ ମାସ ହେବ ସରକାରକୁ ଆସିଛୁ। ନିୟମିତ କମିଟି ବସିବ ଆଶ୍ବାସନା ଦେଉଛୁ। ମାର୍ଚ୍ଚ ୨୦୨୫ ସୁଦ୍ଧା ସବୁ ରାଜସ୍ବ ଗାଁକୁ ବିଦ୍ୟୁତ ସଂଯୋଗ ଦିଆଯିବାର ଯୋଜନା ରହିଛି।