କୋହଲିଙ୍କ ଆଉ ଏକ ବିରାଟ ରେକର୍ଡ
ଭୁବନେଶ୍ଵର; ଚଳିତ ଆଇପିଏଲ୍ରେ ଗୁରୁବାର ପଞ୍ଜାବ କିଙ୍ଗ୍ସ ବିପକ୍ଷ ରୟାଲ ଚ୍ୟାଲେଞ୍ଜର୍ସ ବାଙ୍ଗଲୋର ମ୍ୟାଚ୍ରେ ବିରାଟ କୋହଲି ଅର୍ଦ୍ଧଶତକ (୫୯ ରନ୍) ହାସଲ କରିଥିଲେ। ଏହି ପାଳି ବଳରେ କୋହଲି ଆଉ ଏକ ଶତକୀୟ କୀର୍ତ୍ତିମାନ ସହ ଏକାଧିକ ରେକର୍ଡର ଅଧିକାରି ହୋଇଛନ୍ତି। ସେ ସର୍ବାଧିକ ୩୦+ ସ୍କୋର୍ କରିବାରେ ଶତକ ପୂରଣ କରି ଆଇପିଏଲ୍ରେ ଇତିହାସ ରଚିଛନ୍ତି। ୧୦୦ ଥର ପାଇଁ ୩୦+ ସ୍କୋର୍ କରିବାରେ ଆଇପିଏଲ୍ ଇତିହାସରେ ସେ ପ୍ରଥମ ବ୍ୟାଟର୍ ହେବାର କୀର୍ତ୍ତିମାନ ପାଇଛନ୍ତି। କୋହଲିଙ୍କ ପଛକୁ ଆଇପିଏଲ୍ରେ ସର୍ବାଧିକ ୩୦+ ସ୍କୋର୍ କରିଥିବା ବ୍ୟାଟର୍ଙ୍କ ତାଲିକାରେ ଶିଖର ଧାୱନ୍ (୯୧), ଡେଭିଡ୍ ୱାର୍ଣ୍ଣର (୯୦), ରୋହିତ ଶର୍ମା (୮୫) ଏବଂ ସୁରେଶ ରାଇନା (୭୭) ଆଦି ଖେଳାଳି ରହିଛନ୍ତି।
