କେଉଁ ରୋଗ ନେଉଛି ବିଶ୍ୱର ଅଧିକାଂଶ ଲୋକଙ୍କ ଜୀବନ ? ଆସନ୍ତୁ, ଜାଣିବା…

ଭୁବନେଶ୍ବର; କେଉଁ ରୋଗରେ ସବୁଠାରୁ ଅଧିକ ଲୋକଙ୍କର ମୃତ୍ୟୁ ହେଉଛି ? ଏହି ପ୍ରଶ୍ନଟି ଅତ୍ୟନ୍ତରୋଚକ ଏବଂ ଆପଣ ଏହା ବିଷୟରେ ଜାଣି ଆଶ୍ଚର୍ଯ୍ୟ ମଧ୍ୟ ହୋଇପାରନ୍ତି । କାରଣ ୨୦୧୯ ମସିହାଠାରୁ ବର୍ତ୍ତମାନ ପର୍ଯ୍ୟନ୍ତ, ବିଶ୍ବ ସ୍ୱାସ୍ଥ୍ୟ ତଥ୍ୟରେ ଅନେକ ପରିବର୍ତ୍ତନ ଆସିଛି । କରୋନା ପରେ ଲୋକଙ୍କ ଜୀବନରେ ଅନେକ କିଛି ପରିବର୍ତ୍ତନ ଦେଖାଦେଇଛି , ଏହି ମହାମାରୀ ଲକ୍ଷ ଲକ୍ଷ ଲୋକଙ୍କ ପ୍ରାଣ ନେଇଛି । କିନ୍ତୁ ଆପଣମାନେ ଜାଣି ଆଶ୍ଚର୍ଯ୍ୟ ହେବେ ଯେ କରୋନା ଦୁନିଆର ଅଧିକାଂଶ ଲୋକଙ୍କ ମୃତ୍ୟୁର କାରଣ ନୁହେଁ । ବର୍ତ୍ତମାନ ଆପଣ ନିଶ୍ଚୟ ଭାବୁଥିବେ ଯେ ତେବେ ମୃତ୍ୟୁର ଏହି ଆଶ୍ଚର୍ଯ୍ୟକର କାରଣ କ’ଣ ? ତେବେ ଆସନ୍ତୁ ଜାଣିବା (ଡବଲ୍ୟୁଏଚଓର) ଏହି ରିପୋର୍ଟରୁ । ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ ହୃଦଘାତ ସମସ୍ୟା ଅନେକ ଲୋକଙ୍କ ମୃତ୍ୟୁର ମୁଖ୍ୟ କାରଣ ଅଟେ । ଇସକେମିକ୍ ହୃଦରୋଗ ଦୁନିଆର ମୃତ୍ୟୁର ସବୁଠାରୁ ବଡ କାରଣ । ବିଶ୍ବର ମୋଟ ୧୬ ପ୍ରତିଶତ ଲୋକଙ୍କ ମୃତ୍ୟୁ ପାଇଁ ଦାୟୀ ହେଉଛି ଏହି ରୋଗ । ୨୦୦୦ ମସିହା ପରଠାରୁ ଏହି ରୋଗରେ ମୃତ୍ୟୁ ସଂଖ୍ୟା ସର୍ବାଧିକ ରହିଛି, ଯାହା ୨୦୧୯ ମସିହାରେ ୨ ମିଲିୟନରୁ ଅଧିକ ହୋଇ ଏବେ ୮.୯ ମିଲିୟନରେ ପହଞ୍ଚିଛି। ଷ୍ଟ୍ରୋକ ଏବଂ କ୍ରନିକ୍ ଅବଷ୍ଟ୍ରକ୍ଟିଭ୍ ଫୁସଫୁସ ରୋଗ ହେଉଛି ମୃତ୍ୟୁର ଦ୍ୱିତୀୟ ଏବଂ ତୃତୀୟ ପ୍ରମୁଖ କାରଣ, ଯାହା ହାରାହାରି ପ୍ରାୟ ୧୧ ପ୍ରତିଶତ ଲୋକଙ୍କ ଜୀବନ ନେବା ବେଳେ ୬ ପ୍ରତିଶତ ଲୋକ କ୍ରନିକ୍ ଅବଷ୍ଟ୍ରକ୍ଟିଭ୍ ରେ ପ୍ରାଣ ହରାଇଛନ୍ତି | ଏହିପରି ପ୍ରତିବର୍ଷ ହୃଦରୋଗରେ ୩୩ ପ୍ରତିଶତ ଲୋକ ମୃତ୍ୟୁବରଣ କରନ୍ତି | ସେହିପରି ହୃଦରୋଗ ପଛକୁ କର୍କଟ ରହିଥିବା ବେଳେ ତୃତୀୟ ସ୍ଥାନରେ ରହିଛି ସଂକ୍ରାମକ କରୋନା ମହାମାରୀ ।