ଅଗଷ୍ଟରେ ଆସିବ ଶାହରୁଖଙ୍କ ନୂଆ ସିନେମା ଗୀତ… ଜାଣନ୍ତୁ ଏହାକୁ ନେଇ ବିବାଦ ଉଠିଛି କି…
ମୁମ୍ବାଇ : ପଠାନ ସିନେମାର ସଫଳତା ପରେ ଆଗକୁ ଶାହରୁଖ ଖାନଙ୍କ ବହୁ ପ୍ରତିକ୍ଷୀତ ଫିଲ୍ମ ଜୱାନ ରିଲିଜ ହେବାକୁ ଯାଉଛି । ଅଗଷ୍ଟ ମାସରେ ଏହାର ପ୍ରଥମ ଗୀତ ରିଲିଜ ହେବ ବୋଲି ଜଣାପଡିଛି। ଗୀତ ରିଲିଜ ହେବାର ଖବର ଆସିବା ପରେ ଏହାକୁ ନେଇ ମନୋରଞ୍ଜନ ଦୁନିଆରେ ଚର୍ଚ୍ଚା ଜୋର ଧରିଛି। ବିଭିନ୍ନ କାରଣରୁ ରିଲିଜ୍ ପୂର୍ବରୁ ‘ଜିନ୍ଦା ବନ୍ଦା’ ଗୀତଟି ଲାଇମ୍ ଲାଇଟ୍ରେ ରହୁଛି । ଏହି ଗୀତରେ ଶାହରୁଖଙ୍କୁ ହଜାରରୁ ଅଧିକ ମହିଳା ନୃତ୍ୟାଙ୍ଗନାଙ୍କ ସହ ନାଚୁ ଥିବାର ଦେଖିବାକୁ ମିଳିବ । ଏହାସହ ଏହି ଗୀତରେ ଆହୁରି ୬ଜଣ ଅଭିନେତ୍ରୀଙ୍କୁ ଦେଖିବାକୁ ମିଳିବ । ତେବେ ଏହି ଗୀତର ବଜେଟକୁ ନେଇ ସବୁଠାରୁ ଅଧିକ ଚର୍ଚ୍ଚା ହେଉଛି । ଗୀତଟିର ବଜେଟ୍ ରହିଛି ପ୍ରାୟ ୧୫ କୋଟି । ଗୀତଟିକୁ ସିନେ ନିର୍ମାତା ତିନୋଟି ଅଲଗା ଅଲଗା ଭାଷାରେ ପ୍ରସ୍ତୁତ କରିଛନ୍ତି । ଏହି ଫିଲ୍ମର ସବୁ ଷ୍ଟାରକାଷ୍ଟକୁ ନେଇ ଫ୍ୟାନଙ୍କ ମଧ୍ୟରେ ଉତ୍ସାହ ଭରି ରହିଛି । ଏଥିରେ ମୁଖ୍ୟ ଖଳନାୟକ ଭାବେ ବିଜୟ ସେତୁପତିଙ୍କୁ ଦେଖିବକୁ ମିଳିବ । ଫିଲ୍ମଟି ଆସନ୍ତା ସେପ୍ଟେମ୍ବରରେ ରିଲିଜ ହେବ ବୋଲି ପ୍ରାଥମିକ ଭାବେ ପ୍ରଯୋଜନା ସଂସ୍ଥା ପକ୍ଷରୁ ନିଷ୍ପତ୍ତି ନିଆଯାଇଛି।
