ଶାହାରୁଖ ଖାନଙ୍କ ଆଗାମୀ ଚଳଚ୍ଚିତ୍ର ‘ଡଙ୍କି’ କୁ ସେନ୍ସର ବୋର୍ଡର ଗ୍ରୀନ୍ ସିଗନାଲ…

ଶାହାରୁଖ ଖାନ କେବଳ ବଲିଉଡର କିଙ୍ଗ ନୁହଁନ୍ତି ବରଂ ସବୁ ପ୍ରଶଂସକଙ୍କ ପାଇଁ ମଧ୍ୟ ସେ କିଙ୍ଗ୍ ଅଟନ୍ତି। ଏହି କାରଣରୁ ପ୍ରଶଂସକମାନେ ତାଙ୍କୁ ବହୁତ ପସନ୍ଦ କରନ୍ତି । ଚଳିତ ବର୍ଷ ଶାହାରୁଖ ଖାନଙ୍କ ଉଭୟ ଫିଲ୍ମ ‘ପାଠାନ’ ଏବଂ ‘ଜବାନ’ ବକ୍ସ ଅଫିସରେ ଧମାଲ ମଚାଇଛି । ଏବେ ତାଙ୍କର ତୃତୀୟ ସିନେମା ‘ଡଙ୍କି’ ମଧ୍ୟ ରିଲିଜ୍ ହେବାକୁ ଯାଉଛି। ଯେଉଁଥିପାଇଁ ଲୋକଙ୍କ କ୍ରେଜ ଦେଖିବାକୁ ମିଳୁଛି । ଫିଲ୍ମର ଗୀତ ଓ ଟ୍ରେଲରକୁ ପ୍ରଶଂସକମାନେ ଯେଉଁ ଭଳି ଭଲ ପାଇବା ଦେଇଛନ୍ତି ତାହା ଦେଖିବା ପରେ କିଙ୍ଗ ଖାନଙ୍କ ଫିଲ୍ମ ମଧ୍ୟ ସୁପରହିଟ ହେବାକୁ ଯାଉଛି କହିଲେ ଭୁଲ ହେବ ନାହିଁ । ସେପଟେ ପ୍ରଶଂସକଙ୍କ ପାଇଁ ଫିଲ୍ମକୁ ନେଇ ଏକ ଖୁସି ଖବର ସାମ୍ନାକୁ ଆସିଛି ।

ବାସ୍ତବରେ ଶାହାରୁଖ ଖାନଙ୍କ ଏହି ଫିଲ୍ମକୁ ସେଣ୍ଟ୍ରାଲ ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ୍ (ସିବିଏଫ୍ସି) ପାସ୍ କରିଥିବା ସୂଚନା ମିଳିଛି। ସିବିଏଫ୍ସି ସାର୍ଟିଫିକେଟରୁ ୟୁ/ଏ ସାର୍ଟିଫିକେଟ୍ ଦେଇ ଫିଲ୍ମକୁ ପାସ୍ କରିଛି। ଖାଲି ସେତିକି ନୁହେଁ ଫିଲ୍ମର ରନ୍ ଟାଇମ୍ ମଧ୍ୟ ସାମ୍ନାକୁ ଆସିଛି । ସୂଚନାଯୋଗ୍ୟ, ‘ଡଙ୍କି’ର ରନ୍ ଟାଇମ୍ ୨ ଘଣ୍ଟା ୪୧ ମିନିଟ୍ ରହିବ। ଫିଲ୍ମର ଟ୍ରେଲର ପୂର୍ବଦିନ ରିଲିଜ ହୋଇଥିଲା, ଯାହା ଆଶ୍ଚର୍ଯ୍ୟଜନକ ଥିଲା । ଏହି ଫିଲ୍ମରେ ଶାହାରୁଖ ଖାନ, ତାପସୀ ପନ୍ନୁ ଏବଂ ଭିକି କୌଶଲ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମର ଟ୍ରେଲରରେ ଶାହାରୁଖ ଖାନଙ୍କ ଷ୍ଟାଇଲ ପୂରା ପଞ୍ଜାବୀ ଷ୍ଟାଇଲ ଥିଲା । କିଙ୍ଗ୍ ଖାନଙ୍କୁ ଏହି ନୂଆ ଷ୍ଟାଇଲରେ ଦେଖିବାପାଇଁ ତାଙ୍କ ପ୍ରଶଂସକମାନେ ବହୁତ ଉତ୍ସାହିତ ଅଛନ୍ତି ।

ରାଜକୁମାର ହିରାନୀ ଏବଂ ଗୌରୀ ଖାନଙ୍କ ପ୍ରଯୋଜିତ ଜିଓ ଷ୍ଟୁଡିଓ, ରେଡ୍ ଚିଲିଜ୍ ଏଣ୍ଟରଟେନମେଣ୍ଟ ଏବଂ ରାଜକୁମାର ହିରାନୀ ଫିଲ୍ମସ ଦ୍ୱାରା ପ୍ରଯୋଜିତ, ଅଭିଜାତ ଯୋଶୀ, ରାଜକୁମାର ହିରାନୀ ଏବଂ କନିକା ଧିଲୋନଙ୍କ ଦ୍ୱାରା ଲିଖିତ ଏହି ଚଳଚ୍ଚିତ୍ର ୨୧ ଡିସେମ୍ବର  ମୁକ୍ତିଲାଭ କରିବାର କାର୍ଯ୍ୟକ୍ରମ ରହିଛି ।