‘ଇଣ୍ଡିଆ’ ମେଣ୍ଟର ହାତ ଛାଡ଼ିଲେ ମମତା ଓ କେଜ୍ରିୱାଲ…

‘ଇଣ୍ଡିଆ’ ମେଣ୍ଟକୁ ଲାଗିଛି ଝଟକା । ପ୍ରଥମେ ମମତା ପରେ ଭଗଓ୍ୱନ୍ତ ମାନ ‘ଇଣ୍ଡିଆ’ ମେଣ୍ଟ ସହ କାମ କରିବେନି ବୋଲି କହିଛନ୍ତି । ପଞ୍ଜାବରେ ଏକା ନିର୍ବାଚନ ଲଢ଼ିବ ଆମ ଆଦମୀ ପାର୍ଟି। ପଞ୍ଜାବର ସମସ୍ତ ୧୩ଟି ଲୋକସଭା ଆସନରେ ଆପ୍‌ ଏକା ନିର୍ବାଚନ ଲଢ଼ିବ ବୋଲି ମୁଖ୍ୟମନ୍ତ୍ରୀ ଭଗଓ୍ୱନ୍ତ ମାନ ଘୋଷଣା କରିଥିବା ବେଳେ ପାର୍ଟିର ମୁଖ୍ୟ ଅରବିନ୍ଦ କେଜ୍ରିୱାଲ ଏହି ପ୍ରସ୍ତାବକୁ ସମର୍ଥନ କରିଛନ୍ତି ।

ସେହିପରି ଲୋକସଭା ନିର୍ବାଚନ ପୂର୍ବରୁ ପଶ୍ଟିମବଙ୍ଗ ମୁଖ୍ୟମନ୍ତ୍ରୀ ମମତା ବନାର୍ଜି ରାଜ୍ୟରେ ଏକୁଟିଆ ଲଢିବେ ବୋଲି ଘୋଷଣା କରିଛନ୍ତି । ତେବେ ତାଙ୍କର ଏହି ଘୋଷଣା ପରେ କଂଗ୍ରେସ ନେତା ଜୟରାମ ରମେଶ ପତିକ୍ରିୟା ରଖି କହିଛନ୍ତି ଯେ ‘ଲମ୍ବା ଯାତ୍ରାରେ ବିରାମ ଲାଗିଛି ।’ ଅନ୍ୟପକ୍ଷରେ ଏହି ଘଟଣା ପରେ ୟୁପି ୟୁନିଟ କଂଗ୍ରେସ ନେତା ପ୍ରମୋଦ କୃଷ୍ଣ ଇଣ୍ଡିଆ ଆଲାଇନ୍ସ ଉପରେ ପ୍ରଶ୍ନ ଉଠାଇ କହିଛନ୍ତି କି ଇଣ୍ଡିଆ ମେଣ୍ଟ ହେଉଛି ଏକ ବୁଢିଆଣି ସୁତା ତେଣୁ ଏହି ମେଣ୍ଟରେ କେହି ରହିବେ ନାହିଁ ବୋଲି ସେ ଏକ୍ସରେ ସେୟାର କରିଛନ୍ତି ।