ହେଭିୱେଟ୍ ନେତାଙ୍କ ପରାଜୟ…
ଭୁବନେଶ୍ଵର; ରାଜ୍ୟରେ ଦୀର୍ଘ ୨୫ ବର୍ଷ ଧରି କ୍ଷମତାସୀନ ବିଜେଡିର ଦୁର୍ଗ ଭୁଶୁଡ଼ିଛି । ବିଜେଡିର ବହୁ ହେଭିୱେଟ୍ ନେତା ପରାଜିତ ହୋଇଛନ୍ତି ଓ ଅନେକ ନେତାଙ୍କୁ ରାଜ୍ୟର ଭୋଟର ପ୍ରତ୍ୟାଖ୍ୟାତ କରିଥିବା ନିର୍ବାଚନୀ ଫଳାଫଳ ଟ୍ରେଣ୍ଡରୁ ସ୍ପଷ୍ଟ ହୋଇଛି । ତେବେ ଆସନ୍ତୁ ନଜର ପକାଇବା କେଉଁ ହେବିୱେଟ୍ ନେତା କେଉଁଠୁ ହରିଛନ୍ତି।
ତେବେ ଏହି ତାଲିକାର ପ୍ରଥମ ସ୍ଥାନରେ ଅଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କଣ୍ଟାବାଞ୍ଜିରୁ ବିଜେଡି ପ୍ରାର୍ଥୀ ନବୀନ ପଟ୍ଟନାୟକଙ୍କଠାରୁ ବିଜେପି ପ୍ରାର୍ଥୀ ଲକ୍ଷ୍ମଣ ବାଗ ୩୨୮୩ ଖଣ୍ଡ ଭୋଟରେ ବିଜୟୀ ହୋଇଛନ୍ତି।
ସେହିପରି ପିସିସି ସଭାପତି ଶରତ ପଟ୍ଟନାୟକଙ୍କୁ ତାଙ୍କର ନିକଟତମ ପ୍ରତିଦ୍ୱନ୍ଦ୍ୱୀ ମନ୍ତ୍ରୀ ରାଜେନ୍ଦ୍ର ଢ଼ୋଲକିଆ ପରାସ୍ତ କରିଛନ୍ତି ।
ସେହିପରି ରାଉରକେଲାରୁ ବିଧାୟକ ଶାରଦା ନାୟକ ପୁଣିଥରେ ବିଜୟୀ ହୋଇଛନ୍ତି। ସେ ବିଜେପିର ଦିଲ୍ଲୀପ ରାୟଙ୍କୁ ପରାସ୍ତ କରିଛନ୍ତି ।ଝାରସୁଗୁଡ଼ାରୁ ନବ ଦାସଙ୍କ ଝିଅ ଦୀପାଳିଙ୍କୁ ହରାଇ ଟଙ୍କଧର ତ୍ରିପାଠୀ ବିଜୟୀ ହୋଇଛନ୍ତି ।
ଭଞ୍ଜନଗର ଆସନରୁ ମନ୍ତ୍ରୀ ବିକ୍ରମ କେଶରୀ ଆରୁଖଙ୍କୁ ବିଜେପି ପ୍ରାର୍ଥୀ ପ୍ରଦ୍ୟୁମ୍ନ ନାୟକ ପରାସ୍ତ କରିଛନ୍ତି। ମହାକାଳପଡ଼ା ବିଧାନସଭା ଆସନରୁ ବିଜେଡି ପ୍ରାର୍ଥୀ ତଥା ମନ୍ତ୍ରୀ ଅତନୁ ସବ୍ୟସାଚୀ ନାୟକଙ୍କୁ ବିଜେପିର ଦୁର୍ଗାପ୍ରସନ୍ନ ନାୟକ ପରାସ୍ତ କରିଛନ୍ତି। ସେପଟେ ସତ୍ୟବାଦୀରୁ ବିଜେଡ଼ି ହେଭିୱେଟ୍ ସଞ୍ଜୟ ଦାସ ବର୍ମା ମଧ୍ୟ ବିଜେପି ପ୍ରାର୍ଥୀ ଓମ୍ ପ୍ରକାଶ ମିଶ୍ରଙ୍କ ଠାରୁ ହାରିଛନ୍ତି।
