ଟ୍ରେନି ଡାକ୍ତର ଦୁଷ୍କର୍ମ ଓ ହତ୍ୟା ଘଟଣାରେ ଦୋଷୀକୁ ଫାଶୀ ଦଣ୍ଡ ଦେବା ପାଇଁ ଦାବି କଲେ ଫିଲ୍ମ ଷ୍ଟାର ଅନୁପମ ଖେର…

କୋଲକାତାର ଆରଜି କର ମେଡିକାଲ କଲେଜ ଓ  ହସପିଟାଲରେ ପ୍ରଶିକ୍ଷକ ଡାକ୍ତରଙ୍କ ‘ବଳାତ୍କାର ଓ ହତ୍ୟା’ ଘଟଣାକୁ ପୁରା ଦେଶ ବିରୋଧ କରୁଛି। ସେହିପରି ଫିଲ୍ମ କଳାକାର ମାନେ ମଧ୍ୟ ଏହି ଘଟଣା ଉପରେ ନିଜ ନିଜର ମତ ରଖୁଛନ୍ତି। ଭେଟେରାନ ଅଭିନେତା ଅନୁପମ ଖେର ଏହି ତାଲିକାରେ ଯୋଗ ଦେଇ ପ୍ରତ୍ୟେକ ପରିସ୍ଥିତିରେ ଲୋକଙ୍କୁ ଏହି ଘଟଣାରେ ସ୍ୱର ଉତ୍ତୋଳନ କରିବାକୁ ଅନୁରୋଧ କରିଛନ୍ତି ।

ତାଙ୍କ ଭାବନା ଏବଂ ଏହି ପରିସ୍ଥିତି ତାଙ୍କୁ କିପରି ନିରବ ରଖିଛି ବୋଲି ପ୍ରକାଶ କରି ଖେର ନିଜ ଇନଷ୍ଟାଗ୍ରାମକୁ ଯାଇ ଏକ ଭିଡିଓ ବାର୍ତ୍ତା ସେୟାର କରିଛନ୍ତି। ସେ ଏହି ଘଟଣାକୁ ନିନ୍ଦା କରି କହିଛନ୍ତି ଯେ “ଦୁଷ୍କର୍ମକାରୀକୁ କେବଳ ଆଉ କେବଳ ମୃତ୍ୟୁ ଦଣ୍ଡ ମିଳିବା ଆବଶ୍ୟକ”। ସେ ଏହି ଭିଡିଓ ବାର୍ତ୍ତା ସେୟାର କରିବା ସହ ଲୋକମାନଙ୍କୁ ଏହି ଘଟଣାରେ ଆଗକୁ ଆସି ସ୍ୱର ଉଠାଇ ଉକ୍ତ ପରିବାରକୁ ନ୍ୟାୟ ଦେବା ପାଇଁ ଅନୁରୋଧ କରିଛନ୍ତି।