IND vs BAN : ଦ୍ୱିତୀୟ ଟେଷ୍ଟ ମ୍ୟାଚରେ ପ୍ରବଳ ବର୍ଷାର ଆଶଙ୍କା…
ଭାରତୀୟ ଦଳ ବାଂଲାଦେଶ ବିପକ୍ଷରେ ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳୁଛି | ପ୍ରଥମ ମ୍ୟାଚ୍ ସେପ୍ଟେମ୍ବର ୧୯ ରୁ ଚେନ୍ନାଇର ଚେପାକ୍ ଷ୍ଟାଡିୟମରେ ଅନୁଷ୍ଠିତ ହୋଇଥିଲା ଯେଉଁଥିରେ ଭାରତୀୟ ଦଳ ୨୮୦ ରନରେ ଜିତି ସିରିଜରେ ୧-୦ ଅଗ୍ରଣୀ ହାସଲ କରିଥିଲା | ବର୍ତ୍ତମାନ ଭାରତୀୟ ଦଳ ଏବଂ ବାଂଲାଦେଶ ମଧ୍ୟରେ ସିରିଜର ଦ୍ୱିତୀୟ ତଥା ଶେଷ ଟେଷ୍ଟ ୨୭ ସେପ୍ଟେମ୍ବରରୁ କାନପୁରରେ ଖେଳିବ।କିନ୍ତୁ ଏହି ମ୍ୟାଚ୍ ପୂର୍ବରୁ ଭାରତୀୟ ପ୍ରଶଂସକଙ୍କ ପାଇଁ ଏକ ନିରାଶାଜନକ ଖବର ଆସିଛି | ବାସ୍ତବରେ ଦ୍ୱିତୀୟ ଟେଷ୍ଟ ମ୍ୟାଚ୍ ସମୟରେ କାନପୁରରେ ପ୍ରବଳ ବର୍ଷାର ଆଶଙ୍କା ଦେଖା ଦେଇଛି। ଯଦି ଏମିତି ହୁଏ ତେବେ ମ୍ୟାଚର ଫଳାଫଳ ନିର୍ଣ୍ଣୟ କରିବା କଷ୍ଟକର ହେବ | ଏହି ପ୍ରଶ୍ନ ନିଶ୍ଚିତ ଭାବରେ ପ୍ରଶଂସକଙ୍କ ମନରେ ଉଙ୍କି ମାରୁଥିବ କି ଟେଷ୍ଟ ମ୍ୟାଚ୍ ସମୟରେ ସମସ୍ତ ପାଞ୍ଚ ଦିନରେ ବର୍ଷା ହେବାର ସମ୍ଭାବନା ଅଛି କି ନାହିଁ? ଆସନ୍ତୁ ଜାଣିବା କଣ ରହିଛି ପାଣିପାଗ।
AccuWeather ମୁତାବକ ପ୍ରଥମ ତିନିଦିନ ଏହି ଟେଷ୍ଟ ମ୍ୟାଚରେ ପ୍ରବଳ ବର୍ଷାର ଆଶଙ୍କା ରହିଛି।ପ୍ରଥମ ଦିନରେ ବା ୨୭ ତାରିଖରେ ୯୨ ପ୍ରତିଶତ, ଦ୍ୱିତୀୟ ଦିନରେ ୮୦ ପ୍ରତିଶତ ଏବଂ ତୃତୀୟ ଦିନରେ ୫୯ ପ୍ରତିଶତ ବର୍ଷା ହେବାର ସମ୍ଭାବନା ରହିଛି । ଏଭଳି ପରିସ୍ଥିତିରେ ପ୍ରଥମ ଦିନରେ ମ୍ୟାଚ୍ ପରିଚାଳନା କରିବା ମୁଣ୍ଡବିନ୍ଧାର କାରଣ ହୋଇପାରେ।
