ତୃତୀୟ ଟେଷ୍ଟରେ ହର୍ଷିତ ରାଣାଙ୍କୁ ମିଳିପାରେ ସୁଯୋଗ

ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଟେଷ୍ଟ ସିରିଜର ତୃତୀୟ ତଥା ଶେଷ ମ୍ୟାଚ୍ ମୁମ୍ବାଇରେ ଖେଳାଯିବ। ଏହି ମ୍ୟାଚରେ ହର୍ଷିତ ରାଣା ଖେଳିବାର ସୁଯୋଗ ପାଇପାରନ୍ତି | ଟିମ୍ ଇଣ୍ଡିଆ ହର୍ଷିତଙ୍କୁ ଡେବ୍ୟୁ କରିବାର ସୁଯୋଗ ଦେଇପାରେ। ଏହି ସିରିଜରେ ଭାରତ ନ୍ୟୁଜିଲ୍ୟାଣ୍ଡ ଠାରୁ ୦-୨ରେ ପରାସ୍ତ ହୋଇ ବର୍ତ୍ତମାନ ଶେଷ ମ୍ୟାଚ୍ ଖେଳିବାକୁ ଯାଉଛି। ତେଣୁ ହର୍ଷିତ ରାଣା ୱାନଖେଡେ ଷ୍ଟାଡିୟମରେ ଟେଷ୍ଟ ଡେବ୍ୟୁ କରିବାର ସୁଯୋଗ ପାଇପାରନ୍ତି। ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ଦୀର୍ଘ ଦିନ ଧରି ତାଙ୍କ ଉପରେ ନଜର ରଖିଛନ୍ତି।

ବଡର-ଗାଭାସ୍କର ଟ୍ରଫି ପାଇଁ ୧୮ ଜଣିଆ ଦଳରେ ହର୍ଷିତ ରାଣାଙ୍କୁ ଟିମ୍ ଇଣ୍ଡିଆରେ ଅନ୍ତର୍ଭୁକ୍ତ କରାଯାଇଛି। ଆସନ୍ତା ମାସରୁ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଟେଷ୍ଟ ସିରିଜ୍ ଖେଳାଯିବ। ଶେଷ ଏହି ସିରିଜରେ ହର୍ଷିତଙ୍କୁ ଖେଳୁଥିବାର ଦେଖିବାକୁ ମିଳିପାରେ| ତେଣୁ ସେ ମୁମ୍ବାଇରେ ତୃତୀୟ ଦୃତ ବୋଲର ଭାବେ ଖେଳିବାର ସୁଯୋଗ ପାଇପାରନ୍ତି। ।