ପ୍ରଥମ ବାଜି ଜିତିଲା ଇଣ୍ଡିଆ ମେଣ୍ଟ, ନିଜ ନିଜ ପ୍ରାର୍ଥୀଙ୍କୁ ଜିତାଇ ଆଣିଲେ ଅଖିଲେଶ, ସୋରେନ
ନୂଆଦିଲ୍ଲୀ : ୬ ରାଜ୍ୟର ୭ ବିଧାନସଭା ଆସନରେ ହୋଇଥିବା ଉପନିର୍ବାଚନ ଫଳାଫଳ ଆଜି ଆସିଛି। ଉତ୍ତରାଖଣ୍ଡର ବାଗେଶ୍ୱର, ଉତ୍ତରପ୍ରଦେଶର ଘୋସି, କେରଳର ପୁଥୁପଲ୍ଲି, ପଶ୍ଚିମବଙ୍ଗର ଧୁପଗୁଡ଼ି, ଝାଡ଼ଖଣ୍ଡର ଡୁମରି ଏବଂ ତ୍ରିପୁରାର ଧାନପୁର ଓ ବକ୍ସନଗର ଆସନରେ ଉପନିର୍ବାଚନ ହୋଇଥିଲା। ଉପନିର୍ବାଚନରେ ଇଣ୍ଡିଆ ମେଣ୍ଟକୁ ସଫଳତା ମିଳିଛି। ୭ଟି ଆସନରୁ ଇଣ୍ଡିଆ ମେଣ୍ଟ ୪ଟି ଆସନରେ ଜିତିଥିବା ବେଳେ ବିଜେପି ୩ଟି ଆସନରେ ଜିତିଛି। ଆଜି ଗଣତି ଆରମ୍ଭ ହେବାପରେ ପ୍ରଥମେ ତ୍ରିପୁରାର ୨ଟି ଆସନ ତଥା ବକ୍ସନଗର ଏବଂ ଧାନପୁର ଆସନରେ ବିଜେପିର ବିଜୟ ସ୍ପଷ୍ଟ ହୋଇଯାଇଥିଲା। ବିଜେପି ପ୍ରାର୍ଥୀ ତଫାଜଲ ହୋସେନ ଏବଂ ବିନ୍ଦୁ ଦେବନାଥ ଯଥାକ୍ରମେ ୩୦,୨୩୭ ଏବଂ ୧୮,୮୭୧ ଭୋଟ୍ ବ୍ୟବଧାନରେ ଜିତିଛନ୍ତି।
