ଡିସେମ୍ବର ୩ରେ ପ୍ରକାଶ ପାଇବ ୫ ରାଜ୍ୟର ନିର୍ବାଚନ ଫଳାଫଳ

ନୂଆଦିଲ୍ଲୀ : ସାଧାରଣ ନିର୍ବାଚନ ପୂର୍ବରୁ ସେମି ଫାଇନାଲ କୁହାଯାଉଥିବା ପାଞ୍ଚଟି ରାଜ୍ୟର ନିର୍ବାଚନ ତାରିଖ ଘୋଷଣା କରାଯାଇଛି। ରାଜସ୍ଥାନ, ମଧ୍ୟପ୍ରଦେଶ, ତେଲେଙ୍ଗାନା, ଛତିଶଗଡ଼ ଏବଂ ମିଜୋରାମ ବିଧାନସଭା ନିର୍ବାଚନ ପାଇଁ  ସୋମବାର ନିର୍ବାଚନ କମିସନ ତାରିଖ ଘୋଷଣା ହୋଇଛି । ମୁଖ୍ୟ ନିର୍ବାଚନ କମିସନର ରାଜୀବ କୁମାର ଏକ ସାମ୍ବାଦିକ ସମ୍ମିଳନୀରେ କରି ନିର୍ବାଚନ ତାରିଖ, ନିୟମାବଳୀ ଇତ୍ୟାଦି ଘୋଷଣା କରିଛନ୍ତି। କେବଳ ଛତିଶଗଡ଼ରେ ଦୁଇଟି ପର୍ଯ୍ୟାୟରେ ନିର୍ବାଚନ ହେବାକୁ ଯାଉଛି। ଅନ୍ୟ  ୪ ଟି ରାଜ୍ୟରେ ଗୋଟିଏ  ଗୋଟିଏ ପର୍ଯ୍ୟାୟରେ ଭୋଟ ଗ୍ରହଣ ହେବ । ସମସ୍ତ ରାଜ୍ୟର ନିର୍ବାଚନ ଫଳାଫଳ ଡିସେମ୍ବର ମାସ ତିନି ତାରିଖରେ ଘୋଷଣା କରାଯିବ।

ଭୋଟ ଗ୍ରହଣ ତାରିଖ

ମିଜୋରମ: ନଭେମ୍ବର ୭
ଛତିଶଗଡ଼: ନଭେମ୍ବର ୭ ଏବଂ ନଭେମ୍ବର ୧୭
ମଧ୍ୟପ୍ରଦେଶ: ନଭେମ୍ବର ୧୭
ରାଜସ୍ଥାନ: ନଭେମ୍ବର ୨୩
ତେଲେଙ୍ଗାନା: ନଭେମ୍ବର ୩୦